طارق البخاري كيبرّد الطرح: أنا ما جبدتش الرجاء وضحكت مع صديقي بنحليب وشنو دخلك آ عادل العماري! (فيديو)

كتب بواسطة على الساعة 1:34 - 24 أكتوبر 2017


الفنان طارق البخاري عصرو عليه بزاف من بعد الفيديو اللي قلد فيه اللاعب الرجاوية محمود بنحليب، الشي اللي خلاه يدير فيديو فالفايس بوك يوضح فيه مجموعة من الأمور بخصوص هاد الموضوع.
البخاري قال، في الفيديو الذي نشره على صفحته في الفايس بوك، إنه لم يقصد الإساءة إلى جمهور الرجاء أو إلتراته، وأنه كان يرغب في “التقشاب” مع بنحليب.
وتابع بطل مسلسل “وعدي”: “اللي بقا فيا الحال هو زميلي فراديو عادل العماري، اللي دوا عليا وما خلاش أبرامي يدافع عليا، ونبغي نقول ليه دخلت لدونور فاش كان كلو بوصلانة وخاصك تشري كارطونة بربعة دريال باش ما طلعش معاك البرودة. فين كنت انت آ سي العماري”.
وأضاف: “أنا راه المكتب واللاعبين ديال الوداد هما اللي باغيبني نهبط عندهم وخاصك تعرف أنه راه كندير الدور ديال كوتش مونطال. وراه فرنسا فاش كانت غتلعب الفينال مع البرازيل راه المدرب عيط على الكوميديين الفرنسيين باش يكونو مع اللعابة”.
واعتذر البخاري إلى جميع المشجعين، معتبرا أن “التقشاب” وارد في كرة القدم.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق