مدرب الغابون ما تسرطاطش ليه الخسارة مع المغرب.. واش المنتخب دّا معاه العصير لسويسرا؟

كتب بواسطة على الساعة 11:17 - 11 أكتوبر 2017


مورا الماتش ديال المغرب والغابون، المدرب قال بأن العصير اللي شربوه اللعابة قبل الماتش فيه شي حاجة ماشي حتى لهيه.
التصريح خلى الصحافة العالمية تشد فيه هو والنجم ديال الغابون أوباميونغ، اللي حتى هو دار تغريدة قبل الماتش وقال عوك عوك راحنا تسممنا.
ماشي غير الصحافة اللي شدات فيهم، حتى الفايسبوكيين شدو بهم الستون هاد ليامات.
التعليقات كانت مختلفة ولكن كلها شدان فكاماتشو مدرب الغابون.
أحد الفايسبوكيين علق على الموضوع بالقول: “شوف هادوك الغابون باقين كينكروا مرضاوش بالهزيمة. أحسن رد هو أن المنتخب ليوما عاوتاني ربح كوريا الجنوبية بثلاثة لواحد”.
فايسبوكي آخر كتب: “واش عاوتاني داو معاهم الليمون لسويسرا وعطاوه للمنتخب الكوري؟”.
وتهكم آخر على كاماتشو: “قالك أمور غريبة وقعات داك نهار قال ماكلة ضراتنا في المطعم الآسيوي. واليوم في الأوطيل. وقال بأنه بغا الجامعة الكروية ديال الكابون باش تراسل الفيفا”.

ما رأيك؟
أنشر الفيديو إذا أعجبك
أعجبني
لم يعجبني
محايد