حكيم زياش.. ولد تافوغالت اللي ما بغاش يلعب مع هولندا!

كتب بواسطة على الساعة 23:36 - 1 سبتمبر 2017

جمال الرياضي
المغاربة فالفايس بوك والقهاوي عاجبهم حكيم زياش، نجم أجاكس أمستردام، اللي حيح اليوم الجمعة (1 شتنبر)، مع المنتخب المغربي ودار ماتش واعر ضد مالي.
زياش، اللي كان غير مرغوب فيه من قبل الناخب هيرفي رونار اللي بعدو من اللائحة اللي مشات للغابون باش تلعب كأس إفريقيا وحلف بحلوفو لا لعب مع المغرب فحالة ما كان هو مدرب، رجع للفريق الوطني وقدم راسو بأنه نجم حقيقي.
عودة زياش كانت بتخطيط من فوزي لقجع، رئيس الجامعة الملكية المغربية لكرة القدم، اللي دخل بخيط بيض بين رونار وزياش وصالحهم فهولندا ورجع الثقة للفريق الوطني وخلى الجمهور المغربي يفرح.
زياش ولد تافوغالت ما بغاش يلعب مع هولندا واختار يلعب مع المغرب، حيت بلاد عائلتو والأصل ديالو.
عودة زياش القوية للمنتخب خلات الناس ديال الفايس بوك يهتهتو بسميتو ويعيبو على رونار حيت ضيع عليهم جوهرة نادرة.
زياش أعاد الأمل إلى الفريق الوطني من أجل التأهل إلى مونديال روسيا سنة 2018.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
1
  1. Rizki

    Salam wa3alikoom 3onwan khti2 ziach wald rislane baddabt mn dawar 9anin

    إجابة

إضافة تعليق